C1

Nire tabernarik gogokoena

El Correo egunkarian, hainbat kazetarik beren tabernarik gogoena deskribatu dute. Adibide gisa, Galdakaoko Zurrut taberna eta Gasteizko Dazz taberna jarri ditugu.

nire tabernarik gogokoena (Zurrut taberna)

nire tabernarik gogokoena (Dazz taberna)

Deskribatu orain zurea: Non dago? Zergatik da berezia? Zer jende-mota joaten da? Zer musika jartzen dute? Jatekorik bai? Itzuli al zara itxialdia amaitu zenetik? Nola sentitu zara?

Bizikletak

Bizikletak oso boladan omen daude konfinamendua bukatu zenetik. Horretaz ere hitz egin digute Recycl´Arte Hendaiako elkarte honetako kideek. Elkarte honetan, besteak beste, bizikletak konpontzeko tailerrak antolatzen dituzte. Entzun elkarrizketa:

 

Eta zuk ba al dakizu bizikleta konpontzen? Erabiltzen al duzu bizikleta? Zertarako? Non? Zuk ere nabaritu al duzu orain, behin konfinamendua bukatuta, jendea gehiago erabiltzen ari dela?

Dolorex Leonet (Herri txiki, infernu handi)

Herri txiki, infernu handi saioan herri txikietako biztanleen bizimodua agertzen da. Horietako bat dugu Dolorex. Ikusi eta gozatu!

 

Dolorexi egindako elkarrizketa aitzakia hartuta, bai euskaltegiko bai azterketetako eztabaidagai klasiko bat hartuko dugu hizpide: zer nahiago, herria ala hiria? Horretaz aritzeko, C11eko 4. lan-unitatean erabilitako materiala ekarriko dugu gogora.

Non bizi hobekien – eztabaida

Covid tasa

Zenbait lekutan Covid tasa kobratzen hasi omen dira. Egun on Euskadi-ko elkarrizketa honetan duzu horren berri.

 

Eta zuri zer iruditzen zaizu tasa hau? Ba al zenuen honen berri? Kobratu al dizute inon horrelakorik? Azken batean, negozioek gainkostuak badituzte, ez al da zilegi?

Zer da sorgin-hizkuntza?

Ba al duzu sorgin-hizkuntzaren berri? Oiartzungo (Gipuzkoa) emakume batek kontatuko digu zer den:

 

Orreagako guda Atik Zra

Maisutasun handiz erakutsi digu Patxo Telleriak euskaldunen historiako gudarik esanguratsuenetariko bat:

 

Gizon euskaldunak: erditzeko gai

Hala idatzi zuen Webster ikerlari britainiarrak, eta horrelaxe jaso dute ETBko Baskoniako historia bat saiotik ateratako pasarte bitxi honetan:

Bideo hau agertzen deneko saioa ustezko euskal matriarkatuari buruzkoa da. Hona hemen saio osoa: Euskal matriarkatuaren mitoa

“Zaila da beltza izatea AEBn”

George Floyd-en hilketaren harira, hori baieztatu du Mikel Reparaz AEBko berriemaileak ETBn egindako elkarrizketan. Hona hemen elkarrizketa:

Eta zuk zer uste duzu? Eta, hemen, zaila ote da beltza izatea? Ba al da hemen arrazakeriarik? Noren kontra? Zertan sumatzen da?

Elkarrizketa ETB1en Gorka Ortiz de Urbinari, Zeledoni

Hogeigarren urteurrena izan behar zuen aurtengoak Gorka Ortiz de Urbinarentzat Zeledonen paperean, baina ez da posible izango. Hona hemen ETBn egindako elkarrizketa:

Eta horren harira:  Gasteizko jaien falta bereziki sumatuko al dugu? Beste urteetan nola ospatzen ditugu? Zer egiten dugu? Oro har, festazaleak al gara? Zein dira Euskal Herriko jairik onenak? Zer parranda gogoratzen duzu bereziki?

Leitza, herririk politena?

Ezagutzen dugu Nafarroako herri hau? Ba, ematen du bisita bat egitea merezi duela, landa-turismoko herri politenen artean aukeratu baitute Leitza:

 

Zer iruditzen? Zein dira gure inguruan ezagutzen ditugun herririk politenak? Eta hemendik kanpo?

Lurrinak: Maddalen Marzol usain bilatzailea

 

Erabiltzen al duzue lurrinik? Zein? Zergatik? Nolakoak gustatzen zaizkizue? Aldatzen duzue? Gai honetan, gizon / emakume bereizketa ulertzen al duzue?

Elkarrizketa osoa ikusi nahi izanez gero, jo hona: elkarrizketa osoa

Onintza Enbeita, ileapaindegian

 

Itxialdia hedatu zenetik, Onintza Enbeita lehendabiziko aldiz joan da ileapaindegira. Zuek ere joan al zarete? Eta dendetara? Eta tabernetara? Zer moduz sentitu zarete?

Euskaldun berrien akats erotikoak

 

Gustatu zaizue bakarrizketa? Saio osoa ikusi nahi izanez gero, jo hona: Barre librea (3. atala)

Zoo eta akuarioen gezurrak agerian

Euskal Herriko akuario eta zoologikoetan animaliek bizi duten egoera salatu du Nor talde antiespezistak zentro horietan egindako ikerketaren bidez. Hona hemen haiek egindako bideoa:

Berrian ere eskaini diote tarte bat erreportajeari: betiko konfinaturik (zooak)

“Ez zait sartzen” edo “ez zait tentetzen”. Zer gertatzen zait?

Terapia sexologikoa egin dute Naiz irratian Maitena Usabiaga Sarasuarekin. Hainbat kasu ekarri dituzte astelehenetako sexologiaren tartera, eta banan-banan aztertu dituzte: isurketa azkarra, desira falta, baginismoa, inpotentzia, anismoa…

Barre librea umorezko saioa

Harrera ona eduki du etb1eko saio honek. Hona hemen, adibide gisa,  Jon Plazaolaren bakarrizketa:

 

Saio osoa ikusi nahi izanez gero, jo hona: Barre librea (1. saioa)

Baloia berriz puztuko dute

Berria egunkariak erreportaje interesgarria argitaratu du futbolaren negozioaz, alarma-egoeraren ondorioez, emakumezkoen eta gizonezkoen arteko aldeez… Hona hemen erreportaje osoa:

Baloia berriz puztuko dute

Nola ikusten dute etorkizuna ostalariek?

Hona hemen  Karlos Arguiñano hoteleko Martin Arguiñanori egindako elkarrizketa:

 

Zergatik eta zertatik desapuntatu zineten umetan?

Hori galdetu die Andoni Egañak Amets Arzallusi eta Alaia Martini.

Zein izan da zure eskarmentua?

Bertso-saio osoa entzun nahi izanez gero, jo hona:

 

Hizteria kolektiboa

Txakur Gorria kolektiboak hitz berriak sortzeko erronka plazaratu zuen BERRIA aretoan, itxialdiaren hasieran. 70 pertsonak parte hartu dute hitz asmatuen bilduma osatu, definitu eta ilustratzeko prozesuan. Hona hemen emaitza:

HIZTERIA_KOLEKTIBOA

Ur handitan: balkoietako poliziak

Egoera honetan balkoietako poliziak ugaritu egin dira. Ikusi, ikusi Ur handitan saioan erakutsitako irudiok:

 

Saio osoa ikusi nahi izanez gero, jo hona: Ur handitan

Eztanda bat, norberarena? (Berriaren podcasta)

Konfinamenduak buru osasunean izan dezakeen eraginez ohartarazi dute hainbat adituk asteotan, eta gai horri heldu diote saio honetan. Batetik, Eider Iruretagoiena psikologo feministarekin egin dute elkarrizketa, eta, bestetik Aintzane Muguruzak kontatu du zer den autismoa duen nerabe baten ama gisa konfinamenduari aurre egitea.

 

Herri txiki: Joxepa eta Ximona

Joxepa eta Ximona ditugu Herri txiki saiotik pasatu diren emakume ezagunenetako bi. Nola ari ote dira itxialdia pasatzen?

 

Saio osoa ikusi nahi izanez gero, jo hona: Herri txiki: konfinamenduko une dibertigarrienak

Itxialdirako proposamenak (apirilak 30)

1. Hobeak itzuliko gara konfinamendutik? (Ikasbil)

Jarduera honetan gai horretaz bakarrizketa bat egitea proposatzen zaizu.

 

2.  Nola bizi dute Ramadana itxialdian? Bideoa

Hona hemen gai honi buruz musulman bati eginiko elkarrizketa:

 

3. Etxeak eta balkoiak itxialdian bideoa

Hon hemen itxialdian balkoiek hartu duten garrantziari buruz aditu bati eginiko elkarrizketa:

 

4. Gaztezulo aldizkariko #zulotik elkarrizketak

Itxialdi honetan, hainbat elkarrizketa ari dira egiten Gaztezulo aldizkarikoak. Adibide gisa, hona hemen Eli Pinedo eskubaloi jokalari arabarrari eginikoa:

 

5. Iker Markinezen errezetak

Berriak Iker Markinezen errezetak bildu ditu weborri honetan. Animatu, eta atera barruan duzun sukaldaria:

Iker Markinezen errezetak

 

6. Izaro eta Euskadiko Orkestra: Errefuxiatuena

Hamaika proposamen interesgarri ari zaizkigu heltzen kulturaren mundutik, tartean honako hau. Gozatu!

 

 

Itxialdirako proposamenak (apirilak 24)

1.Argiaren apirileko alea: doan eta denon eskura

Argia (osoa) – apirila

Gogoratu Aizuk eta Aleak ere aukera hori ematea erabaki dutela

Alearen aldizkari guztiak

Aizu (osoa)-apirila

 

2.Altxa burua (Ikasbil)

Ariketa-sorta honen helburua iritzi-artikulua idaztea da. Gaia: sare sozialen gehiegizko erabilera itxialdian.

 

3.Oinarrizko produktuetatik harago (Ikasbil)

Entzumen-proba. Gaia: zer erosten ari gara itxialdian? Alkohol gehiago, besteak beste?

 

4.Maskara erabiltzeko gomendioak

Bideo honetan maskara jarri eta kentzeko aholkuak ematen zaizkigu:

 

5.Gramatika lantzeko IKApp zalantzak sakelakoetarako aplikazioa

Helbide honetan jaitsi ahalko duzu aplikazioa (galdera-erantzunez gain, azalpenak ere badaude)

https://play.google.com/store/apps/details?id=com.iametza.ikappzalantzak

 

6.Koronabirusaren oinarrizko lexikoa plazaratu du Euskaltzaindiak:

Koronabirusaren_oinarrizko_lexikoa

 

Etxekoak telesaila

Etxekoak umorezko telesaila estrenatu berri du Etb-k. Hona hemen 1. ataleko pasarte bat:

Saio osoa ikusi nahi izanez gero, jo hona: Etxekoak (1. atala)

 

Aste Santutik bueltatzen garenerako Ikasbileko proposamen gehiago

 

Elkarrizketa digitala: Felix Zubia medikua

Komunikatzaile bikaina dugu Felix Zubia mediku zarauztarra. Horren adibide dugu Berria Tb-n egindako elkarrizketa hau:

Aizu aldizkarian ere egin diote elkarrizketa. Bide batez, gogoratu aldizkari honen ale guztiak eskura ditugula. Hona hemen apirilekoa: Aizu-446-txikia

 

Podcastak.eus

Ezagutzen duzue podcastak.eus? Webgune horretan hainbat saio dituzu entzumena lantzeko. Batzuk, laburrak:

Zona gorria (Ane Irazabal)

Eta beste batzuk, luzexeagoak:

Sentitzen duzun horrek izen bat du 

 

COVID-19aren izurria argitzen

Elhuyar zientziako lantaldeak koronabirusaren inguruko argibideak emateko bederatzi bideo-pilulako sorta prestatu du, martxoaren 30ean hasi eta egunero-egunero argitaratuko dena. Hona hemen lehenengoa:

Gainontzeko bideo-pilulak ikusteko sakatu hemen: COVID-19aren izurria argitzen

 

Ikasbiletik hartutako proposamenak

 

Txertoak gora, txertoak behera

Oraingo honetan txertoen inguruko 3 jardueratxo proposatu nahi dizkizugu:

  1. Txertoen jatorria: entzumena lantzeko ariketa
  2. Beharrezkoa al da txertatzea?: irakurmena lantzeko cloze-testa
  3. Oraingo krisia ez da txertoarekin konponduko entzungaia: gaur egungo egoera aztertzen duen Euskadi Irratiko irrati-tartea

 

Kirola: etxean eta euskaraz

Kirola etxean egiteko hiru proposamen dakarzkizuegu oraingoan. Lehenengoa, dagoeneko ospetsu bihurtzen ari den Andu Martinez de Rituertoren kirol-saioa dugu. Facebooken (Andu Mtz de Rituerto), Instagramen (andurituerto) eta Youtuben (Andu Martinez de Rituerto Arregi) dituzue haren klaseak ikusgai. Hona hemen aurkezpen-bideotxo bat:

 

 

Beste aukera bat zumba egitea da, eta horretarako Zumba etxetik denontzako ekimenera jotzea daukazu.

Eta, azkenik, 28 kanalean sasoia lantzeko jarduerak proposatuko dituzte apirilaren 1etik (hori bai, apur bat zaharxeagoentzat): Etxean bai… Geldirik ez!

 

31 galdera alarma-egoeraz, 31 eskutik izateko

Berria egunkarikoek itxialdiari buruzko 31 gako eman dizkigute. Hona hemen guzti-guztiak: 31 galdera, 31 eskutik izateko

Bi proposamen Ikasbiletik

Aste honetarako beste bi jarduera aukerati ditugu Ikasbiletik:

Ur handitan: etxean geratu

Saio ederra egin dute Xabier Madariagak-eta bizi dugun egoera berezi honetaz. Hementxe duzu ikusgai: Ur handitan: etxean geratu

“Immunitate-sistema indartzeko elikadura egokia izatea ezinbestekoa da”

Egoera berezi honetan ere barazki eta fruta gehiago eta elikagai ultraprozesatu gutxiago jatea funtsezkoa da. Zein jaki ekidin beharko genuke? Nola egin aurre antsietateari? Alazne Agirrezabalaga nutrizionistak Euskadi Irratiko Faktoria saioan argitu dizkigu zalantzak.

 

Ikasbil-etik hartuta, proposamen gehiago

Albiste faltsuen gizartean bizi gara: jarduera osoa; iritzi-artikulua da azken helburua.

Mintzamena lantzen: telefono bidezko jazarpena: ahozko bakarrizketa da azken helburua.

Idatzarauak: Hitz elkartuen osaera eta idazkera: gramatika.

Zaintzen ez direnek, osasun zerbitzuak doan?: ahozko elkarrizketa du helburu; ikaskide batekin telefono bidez… egiteko egokia.

 

Galtzetan gordetzeko hiztegia

Gure lankide Jonek hiztegitxo bat osatu digu egunotan dugun egoeraz zuzen eta egoki hitz egiteko. Ziur erabilgarria irudituko zaizuela: Galtzetan gordetzeko hiztegia

Itxialdirako euskarazko baliabideen zerrenda

UEMAk, konfinamenduari aurre egiteko, euskarazko baliabideak bildu ditu. Orain ez daukagu aitzakiarik euskaraz irakurri eta entzuteko: ETXEAN_GOXO_EUSKARAZ.pdf

Tresna asko daude bilduta zerrenda horretan. Besteak beste, honako hauek gomendatzen dizkizuegu: Argia astekariaren multimedia kanala, Zu Zeu-ren podcastak eta Euskarazko filmak.

Eta zerrenda horretan agertzen direnez gain, ez genuke ahaztu nahiko Berria aretoa, bakartze honetarako Berria egunkariak proposatutako kultur emankizun laburren bilduma. Ez galdu aukera, lagunok!! 🙂

 

 

Adimen handiko haurren berezitasunak

Ikasbileko jarduera honetan, entzumena, irakurmena eta gramatika landuko dituzu. Bukaeran, gaiari buruzko hausnarketa bat ere eskatzen zaizu. Eta zer iruditzen zaizu bakarrizketa egin eta irakasleari bidaltzen badiozu?

Adimen handiko haurren berezitasunak

 

Online bankuen eta kreditu-txartelen erabilera

Ikasbileko jarduera honetan, ahozko ulermena eta irakurriaren ulermena lantzeaz gain, idazlan bat egitea ere proposatzen zaizu.

Online bankuen eta kreditu-txartelen erabilera

 

Mintzamena lantzen: Hemen Google doktorea, bai esan?

Jarduera egokia duzu hau irakugai batzuetatik abiatuta zure iritzia ahoz emateko.

Mintzamena lantzen: Hemen Google doktorea, bai esan?

 

Zer diote elikagaien etiketek?

Ikasbileko jarduera honetan, gai interesgarri honen bidez, ahozko ulermena lantzeko aukera izango duzu. Ziur ondo moldatuko zarela!!

Zer diote elikagaien etiketek?

 

Etxebizitza erosi, alokatu… Zein da aukera hobea?

Ez da erabaki erraza izaten, eta, batzuetan, hautu bat hartzeko abagunerik ere ez dugu izaten… Agian, Berriako bi artikulu hauek erabakian laguntzea daukate:

Etxebizitzen salerosketa

Negozio mugatua alokairuan da

 

Gure idazlanak hobetzen

Ikasbileko jarduera honetan C1eko idazlan bat egitea proposatzen dizute; ereduak ere badituzu eskura. Hortaz, ez galdu aukera, eta ekin lanari! 🙂   

Gure idazlanak hobetzen

 

 Arantxa Urretabizkaia: ‘Lan egiten nuen ikastolatik bota ninduten H-a defendatzen nuelako’

Gauza asko kontatu dizkio Arantxa Urretabizkaiak Xabier Madariagari Ur handitan saioan, besteak beste, lan egiten zuen ikastolatik bota zutela h-aren alde egiteagatik. Hona hemen bideoa:

 

Saio osoa ikusi nahi izanez gero, jo hona: Korrontearen kontra

 

Nola bermatu pertsona ezinduen sexurako eskubidea?

Ikasbileko jarduera honek horretaz hausnartzen lagunduko dizu, eta, bidenabar, ahozko ulermena landuko duzu. Ekin, lanari, hortaz!

Kafea eta zigarroa lanorduetan?

Gai honi buruzko informazioa jasotzeko, jo Berriako artikulu honetara: Kafea eta zigarroa lanaldian

Eta zer dio Garbiñe Biurrun epaileak gai honen inguruan? Entzun diezaiogun ETBko saio honetan:

 

Gaur balitz zure bizitzako azken eguna...

Euskadi Irratian galdera hau egin digute: zer egingo zenuke gaur balitz zure azken eguna? Ea zer esaten diguten…

Eta zuk zer egingo zenuke? Bide batez, aukera paregabea duzu baldintza errepasatzeko… 🙂

 

Ez naiz arrazista, baina…

Leocadia Bueriberi gasteiztarra da, eta beltza da. Beltza izateak hainbat zailtasun eragin ohi dizkio eguneroko bizitzan. Ea zer kontatzen dion Xabier Madariagari Ur handitan saioan: “Ontzat hartzeko bertako jendearen antzera bizi behar gara”.

Saio osoa ikusteko, klikatu hemen: Ez naiz arrazista, baina…

 

Zer dakigu Iruña-Veleiari buruz?

Ikasbileko entzungai honetan,  jakin ahalko duzu nondik nora doan Iruña-Veleiako auzia, eta, gainera, entzumen-proba bat ere egin ahalko duzu. Klikatu honako esteka honetan: Iruña-Veleia auzia ulertu nahian 

 

Arabako Errioxako ardoak: “Rioja”-tik “Arabako mahastiak” sor-markara?

Araban eztabaida bizia sortu du ekoizle batzuek sor-marka propioa sortzeko hartu duten bideak. Izendapen berriaren alde dago Esti Besa ardogilea, eta harekin hitz egin dute Euskadi Irratiko Faktoria saioan.

 

Satisfyer: bai ala ez?

Aitziber Garmendia eta Sara Cozar aktoreak sexu-jostailu honen inguruan aritu zaizkigu. Aizu, C1en ez da dena izango ingurumena, kontsumismoa eta bestelako gai serioak… Sartu, sartu honako esteka honetan: Satisfyer: bai ala ez?

 

Pentsatzen duguna esan ala isildu?

Horixe da Ikasbilen egiten diguten galdera. Primerako jarduera duzu bakarlanerako: Pentsatzen duguna esan ala isildu?

 

Ur handitan: psikiatrikoan

Ur handitan saiokoak psikiatrikoan egon dira. Hona hemen Garaziren lekukotza: “Zer moduz nagoen galdetzen ez zidaten psikiatrak ezagutu ditut”

Eta saio osoa ikusi nahi izanez gero: Ur handitan: psikiatrikoan

 

Emakumea eta espetxea

Atal honetan espetxeetan dauden edo izan diren emakumeak izan ditugu protagonista. Hona hemen aurrerapentxo bat: Ainhoa

Saio osoa ikusi nahi izanez gero, jo hona: Emakumea eta espetxea

 

Greta Thunberg, antolatutako amorrua

Ea zer kontatzen digun Josean Buenok Hala Bedi irratian eskainitako bakarrizketa hontean. Zer hausnartua ematen du, behintzat…

 

Transkripzioa

 

Ikastetxeko espazioak eta generoa

Zer leku hartzen du eta hartu beharko luke futbol-zelaiak patioan? Ikastetxeetako komunek neskentzat eta mutilentzat bereizita egon behar dute? Eta aldagelek?

Galdera asko planteatzen dizkigu Amelia Barquinek Zu zeu-ko artikulu honetan: “Ikastetxeko espazioak eta generoa”

 

 

Itzultzailea: Elhuyarren itzultzaile automatiko eleaniztuna

Laudorio asko jasotzen ari da Elhuyarren itzultzaile automatikoa. Baliabide bikaina izan daiteke gure hizkuntz maila hobetzeko. Zeren zain zaude saiakeratxo bat egiteko?

Hona hemen Berrian gaiaren inguruan argitaratutako artikulua: “Erabilgarri dago Elhuyarren itzultzaile automatiko eleaniztuna”

Sakelakoetarako app-a ere eskuragarri duzu: app-a

 

Klausurako mojak “Ur handitan” saioan

Atal honetan mojak izan ditugu protagonista. Hona hemen aurrerapentxo bat: 58 urterekin moja sartzea erabaki zuen bergararra

Saio osoa ikusi nahi izanez gero, jo hona: klausuran

 

Umerik onartzen ez duten lekuak

Entzun Euskadi Irratiko pasarte hau:

 

 

Bueltarik gabeko etenak (suizidioa)

Benetan erreportaje interesgarria argitaratu du Berria egunkariak suizidoen gainean. Erreparatu, batez ere, Edurne Pasabani, Aitziber Garmendiari eta Markel Irizarri egindako elkarrizketei:     Bueltarik gabeko etenak (suizidioa)

 

Zahartzaroa “Ur handitan” saioan

Pilar zahartzaroaz, heriotzaz, erresidentziez… hitz egiten: Pilar

Saio osoa ikusi nahi izanez gero jo hona: Zaharrak berri. Ur handitan.